Айти адистер өлкөдөгү санариптешүү саясатын ишке ашырган негизги ресурс

2019-жыл өлкө башчысы тарабынан аймактарды өнүктүрүү жана өлкөнү санариптештирүү жылы деп жарыяланган. Санариптешүү саясатын ишке ашырууда айти адистердин, программисттердин орду чоң. Айти сектор кыргызстанда жаңыдан өнүгүп келе жаткан тармак болуп саналат. Бул жаатта адистерибиздин да саны аз. Бул тармактагы билим берүү да өтө эле артта калган. Ага карабай кыргызстандык айти кызматкерлер ийгиликке жетишип, башка өнүккөн өлкөлөр менен тең тайлаша келе жатат. Кыргызстандык програмисттер өндүргөн айти продукциялар чет өлкөлөргө чейин экспорттолот.