Бажы тармагынын санариптик кызмат көрсөтүүгө өтүшү – бул анын ишинин ачыктыгын камсыз кылат

Өлкөнүн бажы тармагын санариптештирүү иштери уланууда. Алсак, Кыргызстан менен Кытай мамлекетинин чектеш аймагындагы Торугарт өткөрмө жайында оор жүк ташуучу унааларды текшерүү үчүн жаңы инспектордук тыкыр кароо комплекси ишке кирди. Бул жаны автоматтыштырылган система жүктөрдүн декларациясын туура толтурууну көзөмөлдөйт. Эң башкысы коррупциялык тобокелчиликти жокко чыгарат. Жаңы комплекстин ачылышына жана Ат-Башыдагы соода логистикалык борбордун курулушуна капсула салуу аземине өкмөт башчы Мухаммедкалый Абылгазиев катышты.