БШК “Добушуңду сатпа” ырынын авторуна клип тартып берет

Курулуш компаниясында арматура токуп иштеген жигит интернет жылдызына айланды. Социалдык тармактарга жайылган видеосунда анын чогулуш учурунда бирге иштегендерге “Добушунду сатпа” аталышындагы чыгармасын ырдап бергенин көрүүгө болот. Азыр интернет айдыңында 30 жаштагы Азамат аткарган чыгарманы коомчулук жылуу кабыл алып, кызуу талкуулап жаткан кези. Ошондой эле БШК Азаматтын ырына жогорку деңгээлдеги клип тартып берүүнү пландап жатат.