Эртең Өнөр жайды жана ишкердикти өнүктүрүү боюнча комитеттин экинчи жыйыны өтөт

Электрондук коммерцияны киргизүү менен Кыргызстанда өндүрүлгөн продукцияны дүйнөлүк базарга чыгарууга мүмкүнчүлүк түзүлөт. Ал аркылуу биздин ишкерлер Амазон сыяктуу ири компаниялардын аянтчаларына катыша алышат. Бул жөнүндө бүгүн Президенттик Аппараттын стратегиялык өнүктүрүү, экономика жана финансы саясаты бөлүмүнүн башчысы Данияр Иманалиев билдирди. Анын айтымында, өлкөдө электрондук соода жөнүндө мыйзам долбоору иштелип чыккан. Ал былтыр өткөн Өнөр жай жана ишкердикти өнүктүрүү комитетинин биринчи жыйынында берилген тапшырманын негизинде аткарылган.