Бейшемби, 28 Жалган куран 2024
  • English English Kyrgyz Kyrgyz Turkish Turkish

Кооптондурган коомдук транспорт: айдоочу эреже талапты аткарабы?

Акыркы мезгилдерде жүргүнчүлөрдүн коопсуздугун камсыздоо үчүн коомдук транспорттун айдоочуларын канчалык тартипке чакырган менен жыйынтык байкалбай келет. Тескерисинче кайра эле тыюу салган жерден токтоп, атаандашып ылдам айдамай көрүнүшү күчөдү. Мындай көрүнүштүн кесепетинен маршруттук таксилер кырсыкка кабылган учурлар да арбып келет. Анын кесепетинен жүргүнчүлөр жабыркап, өлүм менен коштолгон да учурлар жок эмес. Ошол эле учурда, шаардагы коомдук транспорттун эң эле кеңири тараган түрү мына ушул маршруттук таксилер. Жүгүрчүлөрдү жык жыйма жүктөп алган маршруттук айдоочуларга калк арасында дооматтар көп эле айтылып келет. Борбордун чок ортосунда кыймылга тоскоол жаратып, ал тургай санитардык коопсуздугу сакталбаган саны көп маршруттук таксилердин ордуна жүргүнчүлөр үчүн ыңгайлуу автобустардын саны көбөйтүү сунуштары мындан бир канча жыл мурун эле көтөрүлүп келет. Ал арада мэрия жаз айларында борбор калаага 515 автобус жана 100гө жакын электробус сатып алууга белсенип жатыптыр. Албетте, келечекте экологияга зыянын тийгизбеген электробустардын шаар ичинде каттап калышы кубандырат. Ал эми учурдагы калкка кызмат көрсөткөн транспорттордун абалы, жүргүнчүлөрдүн коопсуздугу?

Ой-пикир калтыруу

Добавить комментарий

Ваш адрес email не будет опубликован. Обязательные поля помечены *