Кремль сарайында талантын тартуулаган кичинекей өнөрпоз Мырзайым

Талыкпаган эмгек үзүрүн сөзсүз берет. Ак эмгекти жаштайынан сүйгөн жаш таланттар — өлкөнүн эртеңки сыймыктуу жүзү. Россия Федерациясынын Москва шаарындагы Кремль мамлекеттик сарайында өз өнөрүн тартуулаган кичинекей Мырзайым Токтосунова дал ошол эмгекти сүйгөн, үлгүлүү кыздардын катарын толуктайт. Чоң сахнага алгачкы жолу чыкканына карабай, 12-жаштагы музыкант кыз көпчүлүктүн көңүлүнөн орун тапты.