Кыргызстан Кытайга гуманитардык жардам жөнөттү

Өлкөбүздүн атынан Кытайга гуманитардык жардам жөнөтүлдү. Жалпысынан 7 тоннаны түзгөн жүктө медициналык каражаттар бар. Жардам Өзгөчө кырдаалдар министрлиги тарабынан кыргыз-кытай чек арасында жайгашкан “Торугарт” өткөрмө пунктуна чейин жеткирилип берилмекчи. Антисептик, зыянсыздандыруучу жана жеке коргоочу каражаттар буга чейин Кыргызстанга Кытайдан келген каттын негизинде жөнөтүлдү.