Ленинград блокадасынын курмандыктары эскерилди

11

Бишкек шаарынын Дайыр Асанов атындагы паркында Ленинград шаарынын фашисттердин курчоосунан бошотулганына арналган митинг-реквием өттү. Эскерүү иш-чарасына Орусиянын Кыргызстандагы элчиси Николай Удовиченко, коомдук ишмерлер жана согуш ардагерлери катышты. 900 күнгө таяган Ленинград блокадасы учурунда жүз миңдеген жай тургундар курман болушкан. Курчоодо калган калаадан 16 миңден ашуун адам Кыргызстанга көчүрүлгөн.