Президент Сооронбай Жээнбеков: БАЭ Кыргызстандын ири соода-экономикалык өнөктөшү

Кыргызстан араб дүйнөсү менен 1992-жылы кызматташа баштады десек болот. Бирок ал учурдагы сапарлар өтө терең изилденбей, талданбай, үстүрт мамиле жасалып калганын байкайбыз. Бул багытта, президент Сооронбай Жээнбековдун Сауд Арабия королдугуна расмий визитинин негизги тематикасы экономикалык кызматташууну күчөтүү болду. Бул инвестицияларды тартуу, соода-экономикалык байланыштарды тереңдетүү, ири инвестициялык долбоорлорду ишке ашыруу, эки өлкөнүн бизнес чөйрөлөрүнүн ортосундагы алакаларды жана байланыштарды күчөтүү маселелери. Бүгүнкү күндө эки өлкөнүн ортосундагы потенциал толук ишке ашырыла элек, Бирок мамлекет башчынын аталган өлкөгө болгон сапарынын алкагында эки өлкө кызматташтыгын артыруу, түз инвестицияларды тартуу багытындагы макулдашуулар боюнча чоң мүмкүнчүлүктөр бар дешет экономикалык серепчилер. Деги эле эки өлкө лидерлеринин жолугушуусунда кыргыз-сауд кызматташтыктын негизги өзөгү, эки өлкөнүн ортосундагы соода экономикалык алакаларды күчөтүү жаатындагы сунуштар… кыргыз-араб инвестиция кызматташтыгы. Экономикалык жана гуманитардык алакаларда кайсы багыттарга көңүл буруш керек?