Президент: Жазгы талаа жумуштарын үзгүлтүксүз жана маалында өткөрүү зарыл

Азык-түлүк коопсуздугу — улуттук коопсуздуктун маанилүү бир бөлүгү. Ошондуктан, жазгы талаа жана айдап-себүү жумуштарына өзгөчө көңүл бөлүнүшү керек. Мындай пикирин мамлекет башчысы Сооронбай Жээнбеков бүгүн Айыл чарба, тамак-аш өнөр жайы жана мелиорация министри Эркинбек Чодуевди кабыл алганда билдирди. Өкмөттүн өкүлү да бул жаатта быйыл өлкөдө маселе жаралбашы үчүн министрлик колдон келген аракетин жасаарын айтты.