“Санарип аймак” кандай кызмат көрсөтөт?

Өлкөнү санариптештирүү концепциясынын негизинде жаңырган жылы “Санарип аймак” автоматташтырылган маалыматтык система пилоттук түрдө ишке киргени турат. Бул система жергиликтүү өз алдынча башкаруу органдарынын арасында маалыматтарды алмашууда негизги платформа болуп эсептелет. “Санарип аймак” автоматташтырылган маалыматтык системанын негиздөөчүлөрүнүн айтымында, бул система ошондой эле жергиликтүү элге мамлекеттик жана муниципалдык кызмат көрсөтүүдө ыңгайлуу шарттарды түзөт.