Жума, 29 Жалган куран 2024
  • English English Kyrgyz Kyrgyz Turkish Turkish

Улуу муундарыбыздын эрдиги урпактардын жүрөгүндө түбөлүккө сакталат!

Ленинград блокадачылары дүйнөгө каармандыктын, кайраттуулуктун жана баатырдыктын бийик үлгүсүн көрсөттү. Алардын кылган эмгеги тарых барактарында алтын тамгалар менен жазылып калаары шексиз. Эмгек өлбөйт. Ошол себептен, борбор калаада Ленинградды курчоодон бошотууга катышкан баатырларыбыздын башын бириктирген “Эрдик телекөпүрө” баарлашуусу өттү. Ага Кыргызстандан тышкары Россия, Испания, Франция, Португалия өлкөлөрү катышып, телекөпүрө аркылуу сүйлөшүп, көзү өткөн блокадачыларды эскеришти.

Бишкек шаарынын Дайыр Асанов атындагы паркында Ленинград шаарынын фашисттердин курчоосунан бошотулганына арналган митинг-реквием өттү. Эскерүү иш-чарасына Орусиянын Кыргызстандагы элчиси Николай Удовиченко, коомдук ишмерлер жана согуш ардагерлери катышты. 900 күнгө таяган Ленинград блокадасы учурунда жүз миңдеген жай тургундар курман болушкан. Курчоодо калган калаадан 16 миңден ашуун адам Кыргызстанга көчүрүлгөн.