Жогорку Кеңештеги көпчүлүк коалиция өкмөттүн жаңы курамын жактырып, дээрлик бир добуштан колдоп беришти. Премьер-министрлик кызматка Кубатбек Боронов, биринчи вице-премьер-министрликке Алмазбек Батырбековдун талапкерлиги колдоо тапты. Мындан сырткары Маалыматтык технологиялар жана байланыш боюнча мамлекеттик комитеттин төрагалыгына Жогорку технологиялар паркынын жетекчиси Алтынбек Исмаилов көрсөтүлдү. Бул орун Дастан Догоев окуусуна байланыштуу кызматтан кеткенден кийин бошогон. Депутаттар Бороновдун жана анын командасынын программасы менен таанышып, учурдагы көйгөйлөрдү чечүү жолдорун сурап көрүштү.
2020-жылга мерчемделген иштер кагаз жүзүндө гана калбай, белгилүү бир багытка ээ болуп, жыйынтык алып келиши керек. Бул тууралуу премьер-министр Мухаммедкалый Абылгазиев Өкмөттүн биринчи кезектеги иш-аракеттеринин планын аткаруу боюнча кеңешмеде билдирди. Айтымында, жалпысынан 2020-жылга биринчи кезектеги иш-аракеттердин планы 100 милдеттен турат. Аларга 150 иш-чара киргизилген, анын ичинен 50%ы 1-сентябрга чейин аткарылышы керек.
Кыргызстандагы ветеринардык жана фитосанитардык лабораториялар ЕАЭБдин талаптарына жооп берет. Өткөн жылдын аягында лабораторияларга керектүү жабдуулардын баары алынып келинген. Премьер-министр Мухаммедкалый Абылгазиев Түндүк аймак боюнча ветеринардык диагностика жана экспертиза борборуна барды.
Суроо-талап сунушту пайда кылат. Дүкөндөрдүн текчелеринде тизилген товарларды көрүп, биз импорттук товарларга артыкчылык берерибиз дароо байкалат.. Биз эмне үчүн чет элдиктерге ооз толтура мактаган «Made in KG» брендин өзүбүз аз сатып алабыз?
Кезинде Кыргызстан союздук республикалар арасында алдыңкы агрардык өлкө катары саналып, ички дүң продукцияларын өндүрүүдө айыл чарбанын үлүшү 44 пайызга чейин жеткен убактар болгон. Союз кулаган соң баягы ири чарбалардын баары талкаланып, майдаланып кеткен. Агрономдордун республикалык конференциясында сүйлөп жатып өкмөт башчы чарбаларды кайрадан ирилешип биригүүгө чакырып, бул учурдун негизги талабы экенин белгилеп өттү.
Акыркы убактарда социалдык тармактарда “Ат-Башыга курула турчу логистикалык борбордун жери кытай тарапка 49 жылга берилиптир”, “ага кеткен каражат карызга алыныптыр” сыңдуу маалыматтар желдей тарап, коомчулукта түшүнбөстүктөрдү, нааразычылыктарды жараткан. Бул максатта вице-премьер-министр Замирбек Аскаров баштаган тармактык мамлекеттик органдардын жетекчилери Ат-Башыга барып, жергиликтүү бийлик өкүлдөрү менен бирге индустриалдык-соода-логистикалык борборун куруу боюнча жергиликтүү элдин суроолоруна жооп беришти. Өкмөт инвестициялык долбоорлорду ишке ашырууда элдин, мамлекеттин кызыкчылыгын жогору коёт деген вице-премьер-министр ага кеткен каражат эч кандай насыяга алынбаганын айтып, мамлекеттик чек аранын кыргыз-кытай тилкесиндеги бажы бекети бир метр ары да, бери да жылбай турганын баса белгиледи. Жолугушуу суроо-жооп форматында өтүп, жергиликтүүлөр кызыктырган суроолорун берип, жооп ала алышты.
Өкмөт 2020-жылы социалдык багытты өнүктүрүүнү активдүү улантат. 2019-жылы 189 мамлекеттик кызмат санарипке өткөрүлүп, жарандардын кыйла убактысынын үнөмдөлүшүнө шарт түзүлдү. Союз ыдыраган соң жеке колдорго менчиктештирилип кеткен 224 бала бакча мамлекетке кайтарылып, анын 200ү учурда иштеп жатса, калгандарында оңдоп-түзөө иштери жүргүзүлүүдө. Мындан сырткары 133 мектеп билим эшигин ачса, Кыргызстандагы дээрлик бардык мектептерге интернет жеткирилип, электрондук китепкана деген заманбап терминди биздин алыскы аймактагы окуучулар да колдонуп баштады. Ал эми үстүбүздөгү жылда кандай алга жылуулар күтүп турат кийинки материалда.
Кыргызстанга келүүчү туристер жана чет өлкөнүн жарандыгын алган кыргыздар үчүн жеңилдетилген визалар 15-январдан тарта бериле баштайт. 2019-жылдын соңунда өкмөт тарабынан визаларды тариздөө жана берүү тартиби жөнүндө атайын токтом кабыл алынган. Ага премьер-министр Мухаммедкалый Абылгазиев кол койгон.
Жогорку Кеңеште “Кыргызстандын 2020-жылга республикалык бюджети жана 2021-2022-жылдарга болжолу жөнүндө” мыйзам долбоорунун концепциясы кабыл алынды. Өкмөттүн берген маалыматына караганда, мыйзам долбоору мамлекеттик бюджеттин узак мөөнөттүү туруктуулугун камсыздоо жана бюджеттик жүрүмдү натыйжалуу башкаруу максатында иштелип чыккан.
Жашыл сатып алуулар — бул айлана-чөйрөгө зыян келтирбөөчү азыктар жана кызматтар. Алар экологияны таза сактоо менен бирге экологиянын эффективдүүлүгүн жакшыртып, инновациялык ойлоп табууларга жол ачат. Бүгүн борбор калаада “Кыргызстандагы «жашыл» сатып алуулар — реалдуулукпу же кыялбы?” деген темада туруктуу мамлекеттик сатып алуулар боюнча тегерек стол өттү.