Коронавирус инфекциясынын пандемиясы шартында өлкөнүн чек ара коопсуздугун камсыз кылуу жана чек ара кызматташтыгын өнүктүрүү зарыл. Бул тууралуу Президент Сооронбай Жээнбеков менен вице-премьер-министр Акрам Мадумаровдун Баткен облусунун социалдык-экономикалык өнүктүрүү маселелерин талкуулаган онлайн кеңешмеде айтылды.
Жогорку Кеңештеги көпчүлүк коалиция өкмөттүн жаңы курамын жактырып, дээрлик бир добуштан колдоп беришти. Премьер-министрлик кызматка Кубатбек Боронов, биринчи вице-премьер-министрликке Алмазбек Батырбековдун талапкерлиги колдоо тапты. Мындан сырткары Маалыматтык технологиялар жана байланыш боюнча мамлекеттик комитеттин төрагалыгына Жогорку технологиялар паркынын жетекчиси Алтынбек Исмаилов көрсөтүлдү. Бул орун Дастан Догоев окуусуна байланыштуу кызматтан кеткенден кийин бошогон. Депутаттар Бороновдун жана анын командасынын программасы менен таанышып, учурдагы көйгөйлөрдү чечүү жолдорун сурап көрүштү.
Эриш-аркак жылынын расмий ачылышы саналуу сааттардан кийин башталат. Буга байланыштуу Президент Сооронбай Жээнбеков Москва шаарына барды. Мамлекет башчысынын эки күндүк иш сапары Кремль дубалынын жанындагы “Белгисиз жоокердин” эстелигине гүл коюу менен башталды. Андан соң Президент Россиянын Президенти Владимир Путин менен жолугуп, эки тараптуу кызматташтыктын келечегин талкуулады. Ошондой эле Россия Өкмөтүнүн төрагасы Михаил Мишустин менен тар курамдагы жолугушуу болду.
Шайлоо өнөктүгү жакындаган сайын саясий активдүүлүк жогорулайт. Бирок шайлоого ким кандай катышса өз эрки, шайлоодон соң турмушту, өлкөнүн келечегин унутпаш керектигин Президент Сооронбай Жээнбеков күн мурун Жогорку Кеңеште сүйлөп жатып билдирген болчу. Учурдан пайдаланып, өлкө башчысы парламенттин трибунасында мамлекеттин саясатына, экономика жана аймактарды өнүктүрүүдөгү артыкчылыктуу багыттарына кеңири токтолуп өткөн эле. Акыркы эки жылда аткарылган иштер боюнча коом кандай ойдо?
Кыргызстанда коррупция менен күрөш уланып, иштер мындан ары да күчөтүлөт. Мындай пикирин мамлекет башчысы Сооронбай Жээнбеков Жогорку Кеңештин жыйынында билдирди. Президент коррупцияга малынган аткаминерлерди камаганда гана маселе чечилип калбастыгына токтолуп, коррупцияга бөгөт коюу жана алдын алуу боюнча санариптештирүү ишке ашырылып жатканын айтты. Мындан тышкары, акыркы эки жылда аймактарды өнүктүрүүгө көңүл бурулуп, ишкердикти колдоо менен жумуш орундары түзүлгөнүн эске салды. Ал социалдык тармакты колдоо, ирригация, калкты таза суу менен камсыз кылуу жана мамлекетибиздин улуттук кызыкчылыктарына жооп берген тышкы саясатты жүргүзүүнү убада кылганын айтып, алар ырааты менен ишке ашырылып жатканына токтолду. Ошондой эле, өлкө башчысы, быйыл парламенттик шайлоо болоорун эске салып, коомчулукта шайлоо босогосунун чеги тууралуу талкуулар токтой электигин, жыйынтык чыгарарда “Жети өлчөп бир кесүүгө” эл өкүлдөрүн чакырды.
“Мамлекеттин аймактарды өнүктүрүү саясаты – ички миграцияны кыскартуу максатын көздөйт. Ал эми ички миграцияны кыскартуу үчүн алгач жер-жерлерде ишкердикти колдоо жана жаңы жумуш орундарын түзүү керек. Азыр ушул багыттагы иштер кызуу жүрүп жатат”. Мындай пикирин өлкө башчысы Сооронбай Жээнбеков бүгүн Ысык-Ата районунун жашоочулары менен жолугушканда билдирди.Анда ал 2020-жыл үчүн бекитилген жаңы Жарлыктын максаттары менен милдеттери тууралуу да айтып берди. Эл менен жолугушуу суроо-жооп таризинде уюштурулуп, инвестиция, айыл чарба, соода, салык, бажы жана кызмат көрсөтүү жаатында жүрүп жаткан иштер жөнүндө сөз болду.
Узап кеткен жыл Кыргызстандын тышкы саясаты үчүн жемиштүү жылдардын бири болду. Бул тууралуу Тышкы иштер министри Чыңгыз Айдарбеков 2019-жылдагы өлкөнүн тышкы саясатынын ишмердүүлүгүнүн жыйынтыгын чыгарган маалымат жыйында билдирди. Белгилей кетсек, былтыр Президент Сооронбай Жээнбековдун катышуусу менен 138 сапар болгон. Кыргызстанда бир катар ири эл аралык иш-чаралар уюуштурулуп, ийгиликтүү аяктаган. Ар бир жолугушуунун соңунда кандай реалдуу жыйынтыктарга жетишилди?
Февраль айынын экинчи жарымында Москва шаарында Кыргызстанда Россиянын жана Россияда Кыргызстандын кайчылаш жылынын ачылуу аземи өтөт. Салтанаттуу азем эки өлкөнүн башчыларынын катышуусунда болот. Кайчылаш жылын өткөрүүгө эки мамлекеттин ортосунда атайын уюштуруу комитети түзүлгөн. Комитет иш-чаралар планын иштеп чыкты.
Улуттук банктын Маалыматтарды иштеп чыгуу борбору ишке киришти. Дата борбордун иши менен Президент Сооронбай Жээнбеков таанышып чыкты. Маалыматтарды иштеп чыгуу борбору Улуттук банктын жана каржылык уюмдардын көлөмдүү каржылык маалыматтарын сактап, аны иштеп чыгуучу аппараттык комплекс болуп саналат.
Президент Сооронбай Жээнбеков баңгизатка байланышкан өзгөчө оор кылмыш менен айыпталган адамды ден соолугуна байланыштуу деген жүйө менен абакка кесүүдөн баш тарткан Ош шаардык сотунун судьясы Айнура Сулайманованы кызматтан алды. Аны мөөнөтүнөн мурда бошотуу түрүндөгү тартиптик жаза колдонуу сунушунун мамлекет башчысына Судьялар кеңешине караштуу Тартип комиссиясы берген.
Жакында эле айрым мыйзам актыларына өзгөртүүлөр киргизилген эле. Анда Президент Сооронбай Жээнбеков “Кыргыз Республикасынын сотторундагы сот арачылары жөнүндө” Мыйзамына өзгөртүүлөрдү киргизүү жөнүндө мыйзамына кол койгон. Соттордун инфратүзүмү 2020-жылдын 1-январына сот арачылардын катышуусунда иштерди кароого объективдүү даяр болбой турганын эске алып, бул мыйзамдын күчүнө кирүүсү 2025-жылдын 1-январына которулган.
Жаңы жыл алдында Куралдуу күчтөрдүн жана Жазаларды аткаруу мамлекеттик кызматынын кызматкерлерине жаңы батирлердин ачкычтары тапшырылды. Аларды жаңы конушу менен Президент Сооронбай Жээнбеков куттуктады. Мамлекет башчысынын катышуусу менен Бишкек шаарынын 12-кичи районунда аскер кызматкерлери жана Аламүдүн районунун Молдовановка айылында Жаза аткаруу кызматкерлери үчүн турак жайлардын ачылыш аземи өттү. Президент аскер кызматчыларын кубанычтуу окуя менен куттуктап, аскер кызматкерлеринин социалдык абалын жакшыртууга мындан ары да өзгөчө көңүл буруларын баса белгиледи.
