Пирамида
С Вами на все времена!
Премьер-министр Улукбек Марипов «Айыл чарбасын каржылоо-9» долбоорун жактыруу жөнүндө токтомго кол койду. Долбоор 2021-жылы жазгы талаа жумуштарын өз убагында жүргүзүү жана мал чарбасын, өсүмдүк өстүрүү, айыл чарба продукциясын кайра иштетүү үчүн жеткиликтүү жана жеңилдетилген насыя каражаттары менен камсыздоо үчүн мамлекеттик колдоо көрсөтүү максатында иштелип чыккан.
Бөтөн жерде күн көрүп, мекенинде калган үй-бүлөсүн баккан кыргызстандык мигранттардын 90 пайызы Россиянын аймагында иштейт. Эки өлкөнүн достук мамилесин эске алып, Россия тарап биздин мигранттарга көптөгөн ыңгайлуу шарттарды түзүп берүүдө. Жакында эле Кыргызстандан Россияга учкан аба каттамдарынын саны көбөйүп, билеттердин баасы да төмөндөгөнү турат. Ага коомчулук оң баасын берүүдө.
1-майдан тарта автоунаа ээлери электрондук айдоочулук күбөлүк менен жүрө алышат. Мындай санариптик документти колдонууну киргизүү Президент Садыр Жапаровдун «Калкка мамлекеттик жана муниципалдык кызмат көрсөтүүлөрдүн жеткиликтүүлүгүн жана сапатын жогорулатуу боюнча мындан аркы чаралар жөнүндөгү» кол койгон жарлыгында белгиленген. Аталган жарлык жарандарга көрсөтүлгөн мамлекеттик кызматтардын сапатын арттырууга жана алардын жеткиликтүүлүгүнө багытталган.
Кыргызстанда кайрадан мамлекеттик катчы кызматы пайда болот. Мурда 15 жылдай иштеген бул институт Баш мыйзамдын жаңы долбоорунда орун алды. Коомдук талкууга коюлган документте балдар укугун коргоо боюнча иштей турган Президенттин ыйгарым укуктуу өкүлү дайындалары айтылат.
Быйыл Кыргызстандын азаттык мамлекет болушуна салым кошкон чыгаан инсан Жусуп Абдрахмановдун 120 жылдык мааракеси белгиленет. Бул датанын урматына мамлекеттик деңгээлде иш-чара өткөрүү мерчемделди. Жусуп Абдрахманов замандаштарынын, урпактарынын эсинде элим деген чынчыл, ак ниет, эмгекчил, тайманбас уул бойдон жашап келет. Улуттук лидер болгон инсан кыргыз элинин гана эмес, боордош казак элинин да жүрөгүнөн орун алган.