Аймактарды өнүктүрүү жана өлкөнү санариптештирүү өлкө башчысынын ишиндеги негизги багыт. Алыскы айыл кыштактарда жумушчу орундары түзүлүп, карапайым калк иш менен камсыз болсо борборго агылган ички миграция, иш издеп четке чыгууга мажбур кылган тышкы миграция токтойт. Бул багытта аткарылып жаткан иштер да арбын. Каржы мекемелери, банк системасы жеңилдетилген саясат жүргүзүп, чакан жана орто бизнести өнүктүрүүгө насыя берүүдө. Бир кезде токтоп калган кайра иштетүү тармагына көңүл бурулуп, артыкчылыктуу багыт катары тандалган. Санариптешүүнүн алкагында аткарылган иштер да арбын.