Балдар өлкөнүн келечеги экенин баарыбыз жакшы түшүнөбүз. Бул жаатта абалыбыз өтө жакшы болуп кетпесе да, мамлекет колунан келишинче балдардын укугунун корголушун көзөмөлгө алып, социалдык абалынын жакшыруусуна колунан келген аракеттерин көрүп келүүдө. Бириккен Улуттар Уюмунун Балдар укуктары боюнча конвенциясынын кабыл алынганына быйыл 30 жыл толуп отурат. Мындай мааракелик датага байланыштуу Жогорку Кеңеште сегизден он алты жашка чейинки балдар менен депутаттардын жолугушуусу өттү.