ЕАЭБ ӨЛКӨЛӨРҮНҮН ЛИДЕРЛЕРИ ЕВРАЗИЯЛЫК ЭКОНОМИКАЛЫК ФОРУМГА КАТЫШТЫ

Бишкекте биринчи Евразиялык экономикалык форум өттү. 2,5 миңдей адамды бир аянтчага топтогон ири иш-чара 30дай тематикалык сессияларды камтып, анын жыйынтыгы менен ондогон келишимдерге кол коюлду. Евразия экономикалык форумунун пленардык жыйындарынын бирине ЕАЭБ өлкөлөрүнүн лидерлери видеоконференция аркылуу катышты. Суроо-жооп форматында президенттер менен өкмөт башчылар биримдиктин алкагындагы көп тараптуу мамилелер, ЕАЭБге мүчө-өлкөлөрдүн экономикалык байланыштарын арттыруу, адамдык капиталды өнүктүрүү жана башка көптөгөн маселелер боюнча өз көз караштары менен ой-пикирлерин билдиришти.