Элдик жыйын: Коомдогу маселелер талкууланып, кабыл алынган чечимдер бийликке сунушталат

Өлкөнүн ар кыл тармагындагы маселерди чечүү үчүн кыргызстандыктардын пикири эске алынып, бийлик жетекчилерине сунуш катары берилет. Демилгечилердин айтуусунда дал ушундай максатта жаңы коомдук уюмду түзүп жатышат. Кыргызстандын ар бир жараны митинг, нааразычылык акциясына чыгып көз-карашын билдирүүгө укугу бар. Ошол эле маалда башаламан митингдердин болуусу айрым учурларда коомдогу көйгөйдү көтөргөнү менен андагы терс көрүнүштөр мамлекеттин стабилдүүлүгүнө бут тосот. Мындан улам жаңы коомдук уюм эл менен мамлекеттин ортосунда көпүрө болуп, маселелерди маданияттуу түрдө чечүүгө умтулмакчы.