Кыргызстандык спортчулар Италияда өткөн таэквон-до ITF боюнча дүйнө биринчилигинде 9 медалга ээ болушту. Биринчилик Маракалагонис шаарында өтүп, ага 43 өлкөдөн 700гө жакын спортчу катышкан. Кыргызстандан барган Куттубек Мияров 60 кг чейинки салмакта беттешип алтын медалды жеңген. Аны менен бирге “жалгыз мушташуу” түрүнөн күмүш жана атайын техникадан коло медалга ээ болгон. Ал эми Баястан Баргыбаев 85 кг чейинки салмакта беттешип алтын медалды уткан. Ошондой эле күч менен буюмдарды сындырууда күмүш медалды тагынган.
Өрт кырсыктары айрыкча күн сууктагандан тарта көп катталат. Буга сууктан сактанып, үйдү ар кыл электр приборлору менен жылытууну көздөгөн жарандар коопсуздукту көз жаздымда калтырып келгени себеп. Өзгөчө кырдаалдар министрлигинин маалыматына ылайык, акыркы бир сутка ичинде эле өлкө аймагында 8 өрт кырсыгы катталган.
“Кылычын сүйрөп, кыш келе жатат” демекчи акыркы күндөрү күн сууктай түшкөндүктөн жумурай журт жабыла көмүр сатып ала баштады. Азыркы тапта анын баасы 3800-4000 сомдон сатылып жатат.
Ак таажычан падыша 100 жашта. Бүгүн Кыргызстанды чейрек кылым башкарып, элине сиӊирген эмгеги менен кадырман аксакалга айланган Турдакун Усубалиевдин туулган күнү. Тирүүсүндө легендага айланган мамлекеттик ишмердин жасаган иши, башкаларга кылган мамилеси, жөнөкөйлүгү эл ичинде узун сабак болуп айтылып жүрөт. Тарыхый инсандын 100 жылдык мааракеси Токтогул Сатылганов атындагы Улуттук филармонияда белгиленди.
