Пирамида| 2019 Декабрь 04

Ички иштер министринин орун басары Памирбек Асанов жалпыга маалымдоо каражаттарынын өкүлдөрү менен маалымат жыйынын өткөрдү. Памирбек Асанов ички иштер органдарынын 10 ай ичиндеги сотко чейинки өндүрүш жүргүзүү ишмердигинин жыйынтыгы боюнча маалымат берип, ошондой эле быйылкы жылы 25минге чукул сотко чейинки өндүрүш катталганын белгиледи.

Өлкө аймагынын жер-жерлеринде улгайган адамдардын укугун коргоочу борборлор ачылат. Ал борбор бир гана укук коргоо үчүн милдетти өзүнө албай, ар кыл иш-чараларды өткөрө турчу жайлар болот. Эмгек жана социалдык өнүгүү министрлигинин изилдөөсү боюнча, өлкө аймагындагы улгайган адамдардын 70 пайызы зордук-зомбулукка кабылат. Ошол себептен, учурда, аталган министрликте атайын ишеним телефону иштеп жатат. Бул министрликтин 2019-2025 жылдар аралыгындагы “Улгайган жарандардын жашоо-шаттарын жакшыртуу” планынын негизинде аткарыла турчу иштердин бири. Себеби, өлкө аймагында канча улайган адам болсо, анын ар бири социалдык жактан толук корголушу шарт.

4-декабрь куну Кыргызстанда «Манас эпосунун куну» белгиленди.Ага карата борбор калаабызда бир катар иш чаралар уюштурулуп, манасчылар тууралуу тартылган тасмалардын бет ачарлары болду.Мындан сырткары Токтогул Сатылганов атындагы кыргыз улуттук филармониясында салтанаттуу иш чара болуп өттү. Манас эпосунун куну кандай белгиленди?

Ош шаарында “Манас” эпосу өзбек тилине которулуп, “Түрксой” эл аралык уюму тарабынан каржыланды. Аталган иш-чаранын бет ачары ОШ-Түрк дүйнөсүңүн маданий борбору иш-чарасынын алкагында болуп. Ага Маданият, маалымат жана туризм министри Азамат Жаманкулов, Өзбекстандын маданият министринин орун басары Камола Акилова, “Түрксой” эл аралык уюмунун өкүлдөрү, адабият таануучулар, илимпоздор, окумуштуулар жана студенттер катышты.

«Манас» жана Чыңгыз Айтматов атындагы улуттук академиясынын расмий түрдө салтанаттуу ачылыш аземи өттү. Саамалыкка Президент Сооронбай Жээнбеков катышып, академиянын ишмердүүлүгү менен таанышып, имаратты көрүп чыкты. Салтанатуу иш-чаранын жүрүшүндө өлкө башчысы,чыгармачыл интеллигенция өкүлдөрү, акын- жазуучулар, жана манасчылар менен бирге отуруп, бардык Кыргызстандыктарды “Манас” күнү менен куттуктап, «Манас» эпосу кыргыз тарыхынын көөнөрбөс дөөлөтү, ал эми Айтматов — маданияттын көөнөрбөс дөөлөтү экенин баса белгиледи.

Ош шаарында ден соолугунан мүмкүнчүлүгү чектелген жарандарга көп кабаттуу үй курулат. Учурда үйгө керектүү жер каралып жатат. Алдыда жеке курулуш компаниялар менен сүйлөшүүлөр жүрүп, турак жай салынат. Бул тууралуу калаа башчысы Таалайбек Сарыбашов билдирди.

Кыргызстанда 764 баланын туулгандыгы тууралуу күбөлүгү жок. Мамлекеттик каттоо кызматы тараткан маалыматка ылайык, алардын асты 16га чыкса, арты бир-эки айлык ымыркайлар. Өкмөттүн балдарды документтештирүү программасынын негизинде күбөлүктөр жеңилдетилген түрдө жана акысыз берилүүдө.

Маданият министрлиги телекөрсөтүү тууралуу мыйзамды аткарбаган телеканалдардын лицензияларын алат. Белгилей кетсек, мыйзамда берүүлөрдүн 50%ы мамлекеттик тилде болушу зарыл, автордук укуктар сакталышы керек сыңдуу талаптар каралган. Бирок бул бардык эле телеканалдарда сакталбайт. Буга байланыштуу Маданият министрлиги өлкөдөгү обого чыгып жаткан телеберүүлөр боюнча мониторинг жүргүздү.

Жалпы наркы 500 миллион АКШ долларына барабар мамлекеттик-жеке өнөктөштүктүн негизинде түзүлгөн 23 долбоордун техникалык экономикалык негиздемелери даяр. Бул тууралуу бүгүн “Мамлекеттик жеке өнөктөштүк – кызматташтыкпы же атаандаштыкпы?” деп аталган тегерек столдо белгилүү болду. Бул боюнча иштер 2017-жылдан бери тынымсыз жүргүзүлүп келет. Аз күн мурда Жогорку Кеңеште тиешелүү мыйзамга толуктоо, өзгөртүүлөр киргизилди.

Бишкектин жаңы конуштарына газ киргизүү ийгиликтүү ишке ашууда. Бул ирет “Учкун” жаңы конушунун жашоочулары жаратылыш газы менен камсыз болду. Калктуу конушка газ берүү салтанатына Бишкек шаарынын мэри Азиз Суракматов, Свердлов райондук администрациясынын кызматкерлери, “Газпром Кыргызстан” компаниясынын өкүлдөрү жана конуш жашоочулары катышты. “Учкун” жаңы конушунун жашоочуларынын кубанычына биздин чыгармачыл топ да күбө болуп келди.

ИИМ тутумунда 6 өз алдынча кызмат түзүлдү