Быйылкы эл каттоо кандай тартипте ишке ашат?

23-марттан 1-апрелге чейин электрондук форматта өлкө аймагы боюнча эл каттоо жүргүзүлөт. Ал эми, республиканын алыскы аймактарында каттоо 20-апрелден 29-апрелге чейин улантылат. Бул өнөктүк үчүн мамлекеттик казынадан жарым миллиард сом бөлүнгөн. Каражаттар каттоочу координаторлордун маянасы жана ар кыл окутууларга каралган. Улуттук статистика комитетинен билдирилгендей, он жылда бир өткөрүлчү жараяндын негизги максаты — калктын так санын билүү. Мындан улам, эл каттоо — алдыда өтө турчу парламенттик шайлоого эч кандай байланышы жок.