Пирамида
С Вами на все времена!
Ош облусунда айдоочулардын болжолдуу 15%ын аялдар түзөт. Аймактагы жол инспекторлору билдиргендей, акыркы эки ай ичинде айдоочу айымдар жол эрежесин бузган учур катталган эмес. Бүгүн облустагы жол инспекторлору унаа башкарган аялзатын токтотуп, жаз майрамы менен куттукташты.
2019-жылы Ош облусунда кичи жана орто бизнес тарабынан өндүрүлгөн өнөр жай продукциялары өткөн жылга салыштырмалуу 87 миллион сомго көп чыгарылган. Ал эми былтыр 61 өнөр жай ишканасы ишке киргизилип, 614 жумушчу орун түзүлгөн. Ошондой эле калкты таза-суу менен камсыз кылууда 350 айылга таза-суу жеткирилип, дагы 145 айылды ичүүчү суу менен камсыздоо иштери жүрүүдө. Бул маалыматтар Ош облусу боюнча 2019-жылдын жыйынтыгын чыгарган коллегиянын кеңешмесинде айтылды.
Ош шаарынын башкы планына ылайык, 1300 чакырым жер тротуар үчүн каралса, иш жүзүндө анын 500 чакырымы гана колдонулат. Анткени алардын басымдуу бөлүгүн соода күркөлөрү же жеке менчик ээлери мыйзамсыз түрдө тосуп алышкан.