19-мартта өлкөдө коронавирустун жаңы учурлары катталган жок

Бүгүнкү күнгө карата өлкөдө коронавирустун жаңы учуру катталган жок. Ал эми өзгөчө кырдаал киргизилген Сузак районунда абал тыкыр көзөмөлдө турат. Аймакта санитардык-дезинфекциялык иш-чаралар жүргүзүлүп жатат. Учурда Жалал-Абад облустук ооруканасында коронавирус тастыкталган 3 адам дарыланууда. Саламаттык сактоо министрлиги маалымдагандай, азыркы тапта бейтаптардын абалы туруктуу. Мындан сырткары, ооруну жуктурган үч адам менен кошо бир каттамда Кыргызстанга 144 адам келгени маалым болду. Анын 142си изоляцияда, экөөсү Өзбекстанга кеткени айтылды.