2020-жылдын мыкты спортчулары сыйланды

Өтүп бара жаткан жыл оор болгонуна карабастан, ата мекендик спортчулар өз күйөрмандарын жеңиш жана байгелүү орундар менен кубандырышты. Алардын арасында Айсулуу Тыныбекова дагы бар. Тыныбекова жакында эле Сербияда өткөн аялдар арасындагы Дүйнө Кубогунда дагы бир жолу алтын медалды жеңип алды. Бүгүн, Кожомкул атындагы Спорт Ордосунун жаштар борборунда дал ушул спортчуларга жана спорт тармагында жакшы натыйжаларды көрсөтүп жаткан машыктыруучуларына сыйлык тапшыруу аземи болуп өттү.