30дан ашык коопсуздук элементи бар. МКК жаңы паспорттор жөнүндө айтып берди

Паспорт эмес бүтүндөй сүрөт искусствосу, жалпы жарандык паспорттун жаңы үлгүсүнө дал ушул мүнөздөмөнү берүүгө болот. Анын курамында 30дан ашык коопсуздук элемент бар. Ал эми негизги айырмалоочу өзгөчөлүгү — ээсинин бардык маалыматтары менен кошо орнотулган чип. Ал ИКАОнун стандарттарына жооп берет, ошондуктан документ дүйнө жүзү боюнча коопсуз жүрүүнү камсыз кылат. Технологиянын өзгөрүшүнө жана коргоонун жаңы элементтеринин киргизилишине байланыштуу жарандык паспорттор 3-5 жылда бир жолу алмаштырылышы мүмкүн.