9-13-январь күндөрү көпчүлүк аймактарда кар жаайт

9-13-январь күндөрү Чүй, Талас, Жалал-Абад, Ысык-Көл, Нарын облустарынын кээ бир райондорунда жана тоолуу аймактарда кар жаайт. Батыштан соккон шамалдын ылдамдыгы секундасына 3-8 метрге, Ысык-Көл акваториясында 15-20 метрге жетет. Ал эми 13-январда күндүз көпчүлүк аймактарда мезгил-мезгили менен кар жаап, Чүй, Ош, Жалал-Абад, Баткен облустарынын тоо этектеринде жана тоолуу райондорунда жаан-чачын катуу жаайт. Мындай учурда тиешелүү кызматтар күнү-түнү иштеп, жолдорду кардан тазалап, унаа тыгындарын алдын алууга бардык чараларды көрөт.