Айдоочулук күбөлүгүңүздү унутуп калсаңыз, электрондук тиркеме жардам берет

1-майдан тарта автоунаа ээлери электрондук айдоочулук күбөлүк менен жүрө алышат. Мындай санариптик документти колдонууну киргизүү Президент Садыр Жапаровдун «Калкка мамлекеттик жана муниципалдык кызмат көрсөтүүлөрдүн жеткиликтүүлүгүн жана сапатын жогорулатуу боюнча мындан аркы чаралар жөнүндөгү» кол койгон жарлыгында белгиленген. Аталган жарлык жарандарга көрсөтүлгөн мамлекеттик кызматтардын сапатын арттырууга жана алардын жеткиликтүүлүгүнө багытталган.