Айлана-чөйрөнү коргоо агенттиги: Таласта табылган ак илбирстин абалы начар

Таласта жаракат алган абалда табылган ак илбирс Бишкекке алып келинди. Ага тиешелүү ветеринардык кароолор уюштурулуп, рентгенге тартылды. Рентгендин жыйынтыгы боюнча ак илбирстин башында октун калдыктары бар экендиги белгилүү болгон. Айлана-чөйрөнү коргоо агенттигинин маалыматы боюнча ак илбирстин абалы начар. Жакынкы убакта анын баш сөөгүндөгү октун калдыктары операция жолу менен алынат.