Аймактардагы санэпидем көзөмөлдөө борборлоруна жаңы унаалар тапшырылды

Өлкө аймактарындагы мамлекеттик санитардык-эпидемиологиялык көзөмөлдөө борборлору «Нива» үлгүсүндөгү 19 жаңы санитардык унаага ээ болушту. Автотранспорттор элеттиктерге медициналык жардам көрсөтүүнүн сапатын жогорулатканга өбөлгө түзүп, дарыгерлердин ишин жеңилдетмекчи. Тапшыруу аземинде саламаттык сактоо министри Алымкадыр Бейшеналиев жаңы жылга утурлай, дагы 80ге чукул санитардык жана тез жардам унаасы келерин айтты.