АЙЫЛ ЧАРБА МИНИСТРИНИН 600 КҮНДҮК ОТЧЕТУ

Айыл чарба тармагында 6 артыкчылыктуу багыт аныкталды. Алар азык-түлүк коопсуздугу, органикалык айыл чарба, тармакты санариптештирүү, климаттын өзгөрүшүнө көнүү, агрокластерлерди өнүктүрүү жана экспорт үчүн жаңы базарларды өздөштүрүү болду. Ошондой эле агро өнөр жай комплексин өнүктүрүү үчүн айыл чарбасына түздөн-түз байланышы бар 16 башкармалык бириктиртилгенин Айыл чарба министри Аскарбек Джаныбеков билдирди. Бүгүн ал жооптуу жана татаал кызматтагы 600 күндүк ишинин жыйынтыгы менен бөлүштү. Айдар Темиралиев теманы улантат.