АЙЫЛ ӨКМӨТҮҢҮЗДӨН ЭЛЕ ДОКУМЕНТ АЛА АЛАСЫЗ

Айыл өкмөт кызматкерлерине калкты жана жарандык абалдын актыларын каттоо боюнча мамлекеттик кызматтарды көрсөтүү боюнча ыйгарым укуктар бериле баштады. Эми жарандар каттоо же айрым документин алуу үчүн облус жана район борборлоруна барбай эле койсо болот. Биринчи этапта райондун борборлорунан 30 чакырым алыстыкта ​​жайгашкан 156 айыл өкмөт тандалып алынып, аларда калкты тейлөө иши башталды. Экинчи этапта дагы 150 жергиликтүү өз алдынча башкаруу органдарына мындай укуктарды берүү мерчемделген. Канат Жолочиев бул процесттин жүрүшүнө күбө болуп келди.