Алдыдагы президенттик шайлоо өнөктүгүнө кандай өзгөрүүлөр кирди?

Кыргызстандагы кезексиз президенттик шайлоонун үгүт мезгили бир жумадан кийин башталат. Мөөнөтүнөн мурда добуш берүүнүн шарттарында бир топ өзгөрүүлөр болот. Документтерди тапшыруу, кол топтоо, эң негизгиси, үгүт өнөктүгү үчүн убакыт кыскарат. Буга чейин үгүт мезгилине 30 календардык күн белгиленсе, мыйзамга ылайык бул ирет 15-декабрдан, жаңырган жылдын 9-январына чейин гана жүргүзүлөт. 10-январга белгиленген президенттик шайлоого башында талапкерлигин 65 жаран койгон болсо, азыр 20сы гана калды. Алар өткөргөн кол тамгалардын аныктыгын БШК текшерип жатат. Алдыдагы үгүт иштерине кандай даярдыктар көрүлүүдө?