Алыскы райондордун санэпидем кызматтарына 8 пикап унаасы берилди

Эми Кыргызстандын алыскы райондорундагы жарандардан коронавирус илдетинен ПЧР-тест алуу, жыйынтыгын жеткирүү жана эмдөө иштери жеңилдейт. Өлкөнүн алыскы региондорунун санитардык эпидемиологиялык көзөмөл кызматынын бөлүмдөрүнө жаңы унаалар тапшырылды. Буга чейин дагы ушундай 7 санитардык унаа берилгени белгилүү. Алардын өзгөчөлүгү — тоолуу райондордо жүрүүгө ыңгайлашып, керектүү жабдыктар жана муздаткыч менен камсыздалган.