Кыргызстандын ЕАЭБге толук кандуу мүчө болгонуна 4 жылдан ашты. Буга байланыштуу Бишкекте бул убакыт аралыгында жетишилген ийгиликтер, тоскоолдуктар жана алдыдагы пландарды талкууга алган ири жыйын өттү. Анда тамак-аш продукцияларын техникалык көзөмөлдөө жана фитосанитардык, ветеринардык чараларды колдонуу жол жоболору башкы маселелердин бири болду. Заманбап, санариптик технологияларды ЕАЭБ мейкиндигинде колдонуудагы жыйынтыктарга да өзгөчө көңүл бурулду.