Азык-түлүккө болгон бааны жөнү жок көтөргөндөр жоопкерчиликке тартылат

Бүгүн калаа башчысы Азиз Суракматов тиешелүү кызматтардын жетекчилери менен биргеликте Бишкек шаарынын базарларын кыдырып чыкты. Ал унга болгон баа катуу көзөмөлгө алынарын, абалдан пайдаланып наркты өз алдынча көтөргөн соодагерлерге укук коргоо органдары чара көрө турганын билдирип, бир кап ундун баасы 1 миң 450 сомдон ашпашы керектигин билдирди. Ошол эле учурда шаар мэри азык-түлүк менен соода кылгандарга түшүндүрүү иштерин жүргүздү.