Баш мыйзамдын жаңы долбоорунун иштелип чыккан алгачкы варианты даяр

Баш мыйзамдын жаңы долбоорунун иштелип чыккан алгачкы варианты даяр болду. Мунун менен Конституциялык кеңешме өз ишинин биринчи баскычын бүтүрдү. Бул туурасында 3 апта бою аткарылган иштер боюнча кеңешменин төрагасы Бекбосун Бөрүбашев жана секциялардын жетекчилери катышкан басма сөз жыйынында маалымдалды. (2)Эми юристтерден жана лингвисттерден турган эксперттик-жумушчу топ долбоордун текстин башынан аягына карап чыгат. Алардын сын-пикири жана сунуштарынын негизинде секциялар тигил же бул беренелерди кайрадан иштеп чыгаары айтылды. 100гө жакын окумуштуу жана коомдук ишмер, тажрыйбалуу адистерден куралган Конституциялык кеңешменин иши кандай жыйынтыктарга келди?