Баткендин эвакуацияланган тургундарына мамлекет көрсөткөн жардам

Тажик тараптын Баткен жана Лейлек райондоруна куралдуу кол салуусунан натыйжасында, Баткен облусу боюнча 120 турак үй жана 84 объект талкаланган. Эвакуацияланган жарандардын үйлөрү жараксыз абалга кептелгендиктен, аларга убактылуу баш калкалоо үчүн үйлөр курулууда. Чек ара чырынан үй-жайсыз калган элеттиктердин турак жайларын калыбына келтирүү жумуштарын мамлекет мойнуна алган. Мындан сырткары, гуманитардык жардамдар дагы көрсөтүлүүдө.