Бишкек ЖЭБин модернизациялоо: Сот өкүмү чыкты

Бишкектин Свердлов райондук сотунда баш калаанын Жылуулук электр борборун оңдоп-түзөөдөгү коррупцияга байланыштуу сот өкүмүн окуду. Анда мурдагы премьер-министр Сапар Исаков 15 жылга, Жантөрө Сатыбалдиев 7 жыл 6айга, Айбек Калиев 15 жылга жана Салайдин Авазов 11 жыл 3 айга эркинен ажыратылды. Ал эми, Темирлан Бримкулов менен Жолдошбек Назаров 2 жыл алты ай мөөнөтүн өтөгөндүктөн, сот залынан бошотулду. Мындан тышкары Осмонбек Артыкбаевге 5 млн сом, ал эми Ольга Лавровага 3 млн айып пул салынды. Эске салсак, Артыкбаев буга чейин 100 млн сом бергени маалым. А бирок насыяга алынып, аша чаап пайдаланылган каражаттарды ким кайтарат. Деги эле Жылуулук электр борборун модернизациялоо эмне пайда алып келди?