Бишкекте 19-мартка чейин калкты тейлөөнүн көчмө топтору райондорду кыдырат

Калкты тейлөөчү мобилдик борборлор 16-19-март күндөрү ордо калаанын ар бир районун кыдырып, шаар тургундарынын биометрикалык маалыматтарын топтоп, жашаган жери боюнча каттап, паспорт алмаштырууга же алууга документтерди кабыл алышат. Бул тууралуу Мамлекеттик каттоо кызматынан билдиришти. Мобилдик топ менен кошо жүргөн БШК мүчөлөрү алдыда өтө турчу жергиликтүү кеңештин депутаттарын шайлоо тууралуу дагы маалымат беришет.