Бишкекте көмүрдүн баасы туруктуу

Кыш жакындаган сайын көмүрдүн баасы көтөрүлөрү бышык. Жарандар суук түшкүчө көмүр камдап алуунун камын көрөт. Бүгүнкү күндө борбор калаада кара отундун бир тоннасы 3800 сомдун тегерегинде сатылууда. Монополияга каршы жөнгө салуу мамлекеттик агенттигинин бекитип берген баасы боюнча Кара-Кеченин өзүндө көмүрдүн бир тоннасы 1300 сом болууда. Аны ташып келүү жол акысын эске алганда, баш калаада ишкерлер 2-3 эсе кымбат сатышат. Көмүрдүн наркын көзөмөлдөө үчүн Бишкектин Биринчи май районунда атайын рейддик иш-чара уюштурулду.