Бишкекте санитардык көзөмөл күчөтүлдү

Бишкекте коронавирус жуктаргандардын саны күндөн күнгө көбөйүп жаткандыгына байланыштуу, санитардык көзөмөл күчөтүлдү. Калаа мэриясы эл тейлеген кызмат көрсөтүү чөйрөсүнүн ишкерлерине санитардык талаптарды так сактоону эскертүүдө. Республикалык штабдан кабарлагандай, Кыргызстанда ковид-19 инфекциясы аныкталгандардын теңинен көбү Бишкек шаары менен Чүй облусунан. Мындан улам дарыгерлер, беткап тагынып, зарылчылыгы жок болсо, эл көп топтолгон жерлерге баруудан баш тарта турууга чакырат.