Бишкекте “Жаштардын көз карашындагы реформа” форуму өттү

Билим берүү тармагын санариптештирүү, мугалимдердин иш кагаздарын кыскартуу жана билимдин сапатына көңүл буруу. Жаштар билим берүү багытында иштерди тереңдетүү менен гана Кыргызстанда ийгиликтүү реформа жүргүзүүгө болот деген пикирди карманышат. Бүгүн Бишкек шаарында өткөн «Жаштардын көз карашындагы реформа» аталышындагы жаштар форумунда билим берүү гана эмес, медицина, илим жана укуктук багытта реформа жүргүзүү үчүн сунуштар айтылды.