Бизнести коргоо үчүн мыйзамдарга өзгөртүү киргизилет

Бизнести коргоо үчүн мыйзамдарга өзгөртүү киргизилет. Салык жана лицензияга байланышкан жалпы 6 мыйзам кайра каралып чыгат. Белгилүү болгондой, беренелердин баары Жазык кодексинен алынып, башка макамга ээ болот. Инвестицияларды илгерилетүү жана коргоо агенттигинин жетекчиси Алмамбет Шыкмаматов эгерде мамлекеттин бизнеске карата салык, акциздик маркалар же башка боюнча доосу бар болсо, ал иштер жарандык тартипте гана караларын билдирди. Инвестиция жана бизнести коргоо, ишкерлерге көмөк көрсөтүү үчүн бир эмес эки жарлыкка кол коюлган.