Борбор калаага Bishkek Tower мунарасын куруу сунушталды

Баш калаанын түштүк тарабына ак түстөгү, айрым бөлүктөрү алтын жана күмүш менен каптала турган Бишкек-Тауэр мунарасын куруу сунушталды. «Бишкек башкы архитектура» муниципиалдык ишканасынын эскиздеринде имараттын бийиктиги 65 метр болору көрсөтүлгөн. Бул долбоордун акыркы үлгүсү болбогондуктан, дагы кошумчаланып, өзгөрүшү мүмкүн. Мекемеден маалымдалгандай, албетте, мындай көп акча каражаттарын талап кылчу, абдан чоң, заңкайган имаратты азыр куруучу учур эмес. Бирок келечекте ишке ашып калабы деген үмүт менен иштеп чыккан.