Быйыл 69 мектептин курулушу бүтөт

COVID-19 коронавирустук инфекциясынын мүмкүн болуучу экинчи толкунуна даярдык көрүү максатында өлкө аймагында 14 саламаттык сактоо объектилеринин курулушу жана оңдоп түзөө иштери жүргүзүлүүдө. Бул жөнүндө бүгүн өкмөт үйүндөгү брифинг учурунда Архитектура, курулуш жана турак жай — коммуналдык чарба мамлекеттик агенттигинин жетекчиси Урматбек Көкөчаров билдирди. Ал ошондой эле быйылкы жылга 69 мектептин курулушун бүткөрүү пландалганын кошумчалады.