Быйыл абитуриенттер университеттерге ЖРТнын негизинде онлайн тапшырышат

Коронавирустун жайылып жаткан пандемиясынан улам бир жылдан ашык убактан бери окуучулар онлайн форматта билим алып жатышат. Билим берүү системасы дагы учурдун талабына ылайык иштөөгө аргасыз. Мындан улам быйыл абитуриенттер жогорку окуу жайларга жалпы республикалык тестирлөөнүн негизинде аралыктан тапшырышат. Ал үчүн Билим берүү жана илим министрлиги атайын платформа иштеп чыккан. Өлкө боюнча быйыл 43 миңден ашык абитуриент жалпы республикалык тестирлөөгө каттоодон өттү. Эми алар келечекте ээ боло турчу кесибин тандоонун алдында турушат.