CASA-1000: Баткен облусунда электр чубалгыларын туркиялык ишкана куруп жатат

Кыргызстанда ири энергетикалык «CASA-1000» долбоорун ишке ашыруу максатында курулуш иштери башталды. Долбоор Кыргызстан, Тажикстан, Пакистан жана Афганистанды бириктирип турат. Бүгүнкү күндө электр берүү чубалгыларын куруу иштери Баткен облусунда кызуу жүрүүдө. Жалпы жонунан Кыргызстандын аймагынан 455 чакырымдагы электр зымдары өтөт. «CASA-1000» долбоорунун алкагында Кыргызстан менен Тажикстан жайкысын электр энергиясын Пакистан жана Афганистанга сатканга мүмкүнчүлүк жаралат. Мында биздин өлкө жылына 80 миллион долларга чейин пайда көрөт.