Улуу жазуучу Чыңгыз Айтматовдун туулган күнүнө карата өлкөнүн бардык аймактарында бир катар иш чаралар өтүп жатат. Борбор калаада «Адамзаттын мугалими – Айтматов» аталышындагы китептин бет ачары болду. Китеп 500 нускалуу, анын автору Апилмажун Темиралиев. Автордун айтымында, китепте Айтматовдун жөнөкөйлүгүн, адамгерчилигин жана байкагычтыгын көрүүгө болот. Андан сырткары, китепте жазуучу тууралуу ырлар, макалалар жана аны менен жолуккан адамдардын маектери камтылган. Китеп бир томдон туруп, кыргыз тилинде жарык көргөн.