Чүй облусунун айылдары таза суу жана сугат суу менен камсыз болууда

Панфилов районунун Орто-Арык айылындагы сугат каналынын 5 чакырымдай жери бетондолгон. Канал 460тан ашык кожолук айдоо жерлерин сугарат. Учурда дыйкандар суу менен камсыз болуп, айдоо жерлери кыйла көбөйгөн. Ал эми Жайыл районунун Алексеевка жана Москва районунун Төлөк айылдарына толугу менен таза суу жеткирилди. Айылдардын суу түтүгү алмашканы, тургундардын дээрлик бардыгы үйлөрүнө суу киргизип тиричилик шарттарын түзүп алышкан.